Հակակոռուպցիոն կոմիտեում ընտրակաշառք տալու և ստանալու դեպքերի առթիվ նախաձեռնված քրեական վարույթների շրջանակներում ձերբակալված անձանցից 6-ի նկատմամբ որպես խափանման միջոց է կիրառվել կալանքը։ Կալանք է կիրառվել նաև մեկ անձի նկատմամբ։
Այս մասին տեղեկացնում են կոմիտեից։
Հիշեցնենք, որ նախորդ օրը Հակակոռուպցիոն կոմիտեն խուզարկություններ էր իրականացրել «Ուժեղ Հայաստան» դաշինքի Շիրակի մարզի գրասենյակների մի քանի հասցեներում, այդ թվում՝ Մարալիկում։ Խուզարկությունից հետո նախաքննական մարմինը հրապարակել էր ձայնագրություններ, որոնցում, կոմիտեի հայտարարության համաձայն, «Ուժեղ Հայաստան» կուսակցության համակիրներն ընտրակաշառքի հարցեր էին քննարկում։
