Հայաստանում 2020 թվականի 44-օրյա պատերազմից հետո անհետացած ինքնաձիգների քանակը, որը կազմում է 17.000 միավոր, զգալիորեն ազդում է երկրի ներքին անվտանգային վիճակի վրա։
Պաշտոնական տվյալների համաձայն՝ 2025 թվականին հրազենի գործադրմամբ կատարված հանցագործությունների թիվը կազմել է 140 դեպք։ Սա 2024 թվականի համեմատ 20.7%-ով ավելացում է։
Այս աճը նկատվում է նաև սպանությունների դեպքերի հարցում։ 2024 թվականին գրանցվել էր 45 սպանություն, իսկ 2025 թվականին՝ արդեն 50։ Հետևաբար, սպանությունների թիվը 2025 թվականին ավելացել է 11%-ով։
Այս տվյալները վկայում են այն մասին, որ անօրինական զենքի զգալի քանակի առկայությունը հանցավորության մակարդակի վրա ունի ուղղակի ազդեցություն։
