Արդեն իսկ տեղի ունեցած հարց ու պատասխանների ժամանակ Ազգային Ժողովում ես ներկայացրեցի Հայաստանում դպրոցաշինության ցուցանիշների համեմատական վերլուծություն՝ տարբեր քաղաքական կառավարումների շրջանում։
Իմ ներկայացրած վիճակագրական տվյալների համաձայն՝ 2019-2024 թվականներին պաշտոնական աղբյուրների տեղեկությունների համաձայն՝ Հայաստանում փակվել է 22 դպրոց։
Այս հարցումին անմիջապես արձագանքեց ՔՊ-ական պատգամավոր Արթուր Հովհաննիսյանը։ Նա պնդեց, որ իրենց կառավարման տարիներին բացվել է 106 նոր դպրոց, որոնցում այսօր սովորում են հազարավոր երեխաներ։ Նա նաեւ հայտարարեց, որ մինչեւ տարեվերջ եւս 250 դպրոց կլինի պատրաստ՝ ավելացնելով, որ նման ծավալի դպրոցաշինություն Հայաստանում նախկինում չի եղել, նույնիսկ ԽՍՀՄ ժամանակներում։ Ըստ նրա՝ իրենց ծրագրի իրականացման համար անհրաժեշտ է կառուցել եւս 800 դպրոց։
Հովհաննիսյանը նաեւ առաջարկեց՝ եթե Ռոբերտ Քոչարյանից պահանջվող 200 միլիոն դրամը տրամադրվի, ապա դրանք կօգտագործվեն 34 նոր դպրոց կառուցելու համար։
Իմ վերլուծության համեմատության համար ներկայացնում եմ նաեւ նախագահական կառավարումների տվյալները։ Ըստ այդ տվյալների՝ Լեւոն Տեր-Պետրոսյանի կառավարման շրջանում կառուցվել եւ վերակառուցվել է 106 դպրոց, Ռոբերտ Քոչարյանի՝ 142, իսկ Սերժ Սարգսյանի՝ 37։ ՔՊ-ի կառավարման շրջանում կառուցվել եւ վերանորոգվել է 51 դպրոց, որոնցից 51-ը ենթարկվել է վերանորոգման։
