Երեկ Գյումրիում Նիկոլ Փաշինյանը և իր թիմակիցները քաղաքի փողոցներով շրջում էին՝ իրականացնելով նախընտրական քարոզարշավը։ Քաղաքի կենտրոնում գտնվող Շիրակի թեմի առաջնորդարանի մոտով անցնելիս տեղի ունեցածը դարձավ օրվա ամենաակնարկվող դրվագը։
Ինչպես հայտնի է, Շիրակի թեմի առաջնորդ Միքայել Սրբազանը, որը տնային կալանքի տակ է գտնվում, հաճախ կարելի է տեսնել իր տեղաշարժի սահմանափակումների պատճառով առաջնորդարանի պատշգամբում, որը նաև նրա կեցության վայրն է։ Նա այնտեղից հետևում է քաղաքի կյանքին և հանրային իրադարձություններին։
Գյումրի այցելած բոլոր քաղաքական ուժերի ներկայացուցիչները, անցնելով առաջնորդանոցի մոտով, սովորաբար ողջունում են Սրբազանին, կանգնում են պատշգամբի մոտ, հետաքրքրվում նրա առողջությամբ և հայտնում իրենց աջակցությունը՝ մաղթելով շուտափույթ ազատություն։
Երեկվա դրվագը սակայն բացառություն էր այդ սովորույթից։ Փաշինյանի գլխավորած խումբն անցել է առաջնորդարանի պատշգամբի տակով՝ առանց որևէ կերպ արձագանքելու, գլուխները կախ։ Պատմեցին, որ ներկաները հետաքրքրությամբ հետևում էին՝ արդյոք որևէ արձագանք կլինի՞ այդ հանդիպման պահին։ Մի կին իշխանականների ետևից բղավել է՝ «Էդպես սրբազանին տեսնիք, գլուխներով անցնիք»։
Իր հերթին, Միքայել Սրբազանը շարունակել է պատշգամբից հետևել քաղաքի անցուդարձին՝ անտեսելով այս անսովոր անտեսումը։ Այս դրվագը արագորեն տարածվեց Գյումրիի քաղաքացիների շրջանում՝ դառնալով քաղաքական իրադարձության ամենաակնարկվող և քննարկվող տարրը։
