Երեկ՝ մարտի 27-ին, աշխարհում նշվեց Թատրոնի միջազգային օրը։ Այս տոնը նշվեց նաև Գեղարքունիքի մարզի Գավառ քաղաքում, որտեղ տեղի ունեցավ միջոցառում Լևոն Քալանթարի անվան դրամատիկական թատրոնում։
Թատրոնի դերասանները, ստեղծագործական և վարչական կազմը պարգևատրվեցին պատվոգրերով, շնորհակալագրերով և մեդալներով։ Ընթերցվեցին Կրթության, գիտության, մշակույթի և սպորտի նախարար Ժաննա Անդրեասյանի ուղերձը և Գեղարքունիքի մարզպետ Կարեն Սարգսյանի խոսքը։
Միջոցառմանը ներկա էին նաև «Սպիտակ ռազմահայրենասիրական կամավորական միություն» հասարակական կազմակերպության և «Էլ-Մար» նորարարական ստեղծագործական արվեստի ինստիտուտի աշխատակիցները՝ Լևոն Քալանթարի անվան դրամատիկական թատրոնի գլխավոր ռեժիսոր Արմեն Դալլաքյանի գլխավորությամբ։
Խորհրդանշական էր, որ նաև թատրոնի միջազգային օրվան ընդառաջ տեղի ունեցավ «Էլ-Մար» 15-րդ ամենամյա թատերական մրցանակաբաշխությունը։
