ԱՄՆ նախագահ Դոնալդ Թրամփը հայտնել է Ռուսաստանի և Ուկրաինայի միջև ընթացող պատերազմում եռօրյա զինադադարի մասին։
«Հաղթանակի օրվա տոնակատարությունները կանցկացվեն Ռուսաստանում, բայց նաև Ուկրաինայում, քանի որ նրանք կարևոր մաս և գործոն էին Երկրորդ համաշխարհային պատերազմի ժամանակ»,- նշել է նախագահը։
Հրադադարը կներառի բոլոր ռազմական գործողությունների դադարեցում և յուրաքանչյուր կողմից 1,000 գերիների փոխանակում։ Ըստ նախագահ Թրամփի՝ նա անձամբ է խնդրել այս քայլը, և շատ է գնահատում Ռուսաստանի նախագահ Վլադիմիր Պուտինի և Ուկրաինայի նախագահ Վլադիմիր Զելենսկու համաձայնությունը։
Նա հույս է հայտնել, որ այս զինադադարը կնշանակի այս շատ երկար, արյունալի և դժվար պատերազմի ավարտի սկիզբը։ Նախագահը նաև նշել է, որ բանակցությունները շարունակվում են, և մարդկության պատմության մեջ Երկրորդ համաշխարհային պատերազմից ի վեր ամենամեծ հակամարտությանը վերջ դնելու գործընթացում յուրաքանչյուր օր մոտենում են ավարտին։
