ՀՀ ՆԳՆ Փրկարար ծառայության կողմից տրամադրված տեղեկատվության համաձայն՝ Երևան քաղաքի Ազատության պողոտայում գտնվող նախկին «Կանազ» մշակույթի տան շենքում բռնկված հրդեհը մարվել է այսօր՝ ժամը 23։44-ին։
Հրդեհը բռնկվել էր մարտի 25-ին՝ ժամը 19։12-ին։ 112 օպերատիվ կառավարման կենտրոն ստացել է ահազանգ, որի համաձայն՝ Ազատության պողոտայի 19 հասցեում գտնվող չգործող չորսհարկանի շենքում բռնկվել է կրակ։
Դեպքի վայր էին մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, մեկ ավտոսանդուղք և Հրդեհաշիջման և փրկարարական աշխատանքների կազմակերպման բաժնի հերթապահ խումբը։
Հրդեհի բարդության աստիճանի բարձրացման պատճառով՝ հայտարարվել էր «Թիվ 3 կանչ», և դեպքի վայր էին մեկնել նաև ութ մարտական հաշվարկ, երկու ջրատար, հոգեբանական աջակցության և բժշկական ապահովման վարչության հերթապահ խումբը։
Հրդեջ-փրկարարներին հաջողվել էր մեկուսացնել կրակը ժամը 21։11-ին, իսկ մարել այն՝ 23։44-ին։ Նրանք կանխել են հրդեհի տարածումը հարակից շենքերի։
