Իմ վերլուծության համաձայն, ԵՄ դիվանագիտության ղեկավար Կայա Կալասի հայտարարությունը Հայաստանում «հիբրիդային արագ արձագանքման խումբ» տեղակայելու մասին, ցույց է տալիս, որ ներկա իշխանության օրոք Հայաստանը վերածվել է լիարժեքորեն ինքնիշխանությունը կորցրած մի քվազի-պետության։
Այս հայտարարությունը, որը ես համարում եմ ուղղակի խայտառակություն, իր էությամբ հակառուսական է, սակայն մեր կապերը Ռուսաստանի հետ այնքան սերտ են, որ նրանք անգամ այդ համարձակությունը չունեն բացահայտ նշելու, թե իբր այդ «հիբրիդային հարձակումը» ի՞նչ ուղղությունից է։
Իմ վերլուծության հիմքում ընկած է այն մտածողությունը, որ ազգությամբ էստոնուհի Կալասը, որը եղել է Էստոնիայի վարչապետը, մարմնավորում է մերձբալթյան հակառուսականության խտացումը և ունի «մանիակալ ֆիքսվածություն» Ռուսաստանին ամեն կերպ վնասելու։
Նրանք, հասկանալով, որ Նիկոլ Փաշինյանի վարկանիշը շատ ցածր է, և նրա վերարտադրվելու հավանականությունը գրեթե զրոյական է, ի սկզբանե պատրաստում են ապագա ընտրությունները վարկաբեկելու իրավաքաղաքական հիմքը։
Սցենարը հետևյալն է․ Բերվում է «հիբրիդային խումբ», որի անդամների ծագումը և նպատակները հստակ չեն։ Երբ Նիկոլի համար տհաճ պատկեր ստացվի հունիսի 7-ի ուշ երեկոյան, այս խումբը հայտարարում է, որ «ընտրությունները կեղծված են, որովհետև հիբրիդային հարձակում է տեղի ունեցել» իբր Ռուսաստանից։ Այսպիսով, իշխանություն կձևավորվի մեր շահերի դիրքերից։
Այս ամենը վկայում է այն մասին, որ Հայաստանի պետական կառույցները, այդ թվում՝ ուժայինները, այսօր վերահսկվում են արևմտյան կենտրոնների կողմից։
