Իմ անունով հրապարակված հոդվածում ներկայացված տեղեկությունները բացարձակապես ստահոդ են և չեն համապատասխանում իրականությանը։ Դրանք ուղղված են իմ հեղինակությանը և «Միասնության թևեր» կուսակցությանը վարկաբեկելու։
Հոդվածում «Միասնության թևեր» կուսակցությանը վերագրվում են աստղաբաշխական ծախսեր, ինչը կեղծիք է։ Նշված գումարները հորինված են և չափազանցված։ Իրականում մենք նշվածի կեսի կեսն էլ չենք ծախսել։ Գրասենյակների համար նշված գումարի 10%-ը մեր իսկական ծախսերն են։
Ֆինանսավորման աղբյուրների մասին տեղեկությունները, որոնք հոդվածում ներկայացված են, ամբողջությամբ սուտ են։ «Միասնության թևեր» կուսակցությունը չունի ֆինանսավորում որևէ արտաքին աղբյուրից, հատկապես Ռուսաստանից։ Մեր բոլոր ֆինանսական գործառույթները լիովին համապատասխանում են օրենքին և հաստատվում են հարկային ու բանկային հաշվետվություններով։
Այս կեղծիքների հետևում կան մարդիկ, որոնք փորձում են օգտվել իմ անունից և կուսակցության հեղինակությունից։ Մենք արդեն սկսել ենք իրավական գործընթացներ։ Քննչական կոմիտեին հաղորդել ենք կասկածելի սկզբնաղբյուրի մասին, և մենք պատրաստ ենք դատի տալու ոչ միայն այն անձին, այլև բոլոր նրանց, ովքեր փորձում են ձեռքերը տաքացնել այս կեղծիքների շուրջ։
Իմ հեղինակության և բարի համբավի հետ որևէ մեկին թույլ չեմ տալու խաղալ։ Այս հարցում մենք կլինենք անզիջում։
