Հայկական կեանք և USA Armenian Life շաբաթաթերթերի գլխավոր խմբագիր Աբօ Չափարեանը «Հայկական ժամանակ»-ի հետ հարցազրույցում հայտարարել է, որ Հայաստանի դեմ քարոզչություն է իրականացվում, որը, նրա խոսքերով, «ռուսաստրուկ» դաշնակցության կողմից է կազմակերպվում։
Ըստ Աբօ Չափարեանի՝ այս գործողությունները Ռուսաստանն է պարտադրում, որպեսզի Հայաստանը վերածվի գուբերնիայի։ Նա նշել է, որ Ռուսաստանը ցանկանում է իշխանության վերադարձնել Ռոբերտ Քոչարյանին, որին նա համարում է Կրեմլի հավատարիմ կամակատար։
«Նրանք ուզում են Գյումրի 2 սցենարը կրկնել»,- ասել է Աբօ Չափարեանը՝ նշելով, որ Կրեմլը խոշոր գումարներ է շրջանառության մեջ դրել։ Նրա խոսքով՝ 5-րդ շարասյունը ցանկանում է հայկական պետականությունը միութենական դարձնել, իսկ ռուսական ԿԳԲ-ն ունի իր ներկայացուցիչները՝ նույնիսկ Եկեղեցում։
Աբօ Չափարեանը նաև նշել է, որ «թալանչիները» վերածվել են «բարեգործների», ինչը, նրա կարծիքով, Կրեմլի քարոզչական ռազմավարության մասն է։
