Իրանի նոր գերագույն առաջնորդ Մոջթաբա Խամենեին հանդես է եկել իրանցիներին ուղղված իր առաջին հրապարակային ուղերձով։ Նրա խոսքը կենտրոնացած էր երկրի դիրքորոշման վրա տարածաշրջանում։
Գերագույն առաջնորդը հայտարարել է, որ Իրանը հավատում է հարևանների հետ բարեկամական հարաբերությունների հաստատմանը։ Սակայն նա միևնույն ժամանակ պարզաբանել է, որ երկիրը կշարունակի անխուսափելիորեն թիրախավորել ԱՄՆ-ի ռազմական բազաները տարածաշրջանում։
«Տարածաշրջանում գտնվող բոլոր ամերիկյան ռազմական բազաները պետք է անհապաղ փակվեն։ Հակառակ դեպքում, այդ բազաները կդառնան հարձակման թիրախ»,- հայտարարել է նա՝ ընդգծելով, որ իրանցիքը չեն հրաժարվի նահատակների արյան համար վրեժխնդրությունից։
Գերագույն առաջնորդը նաև հստակորեն հայտարարել է, որ Հորմուզի նեղուցը պետք է մնա փակ։ Այս հայտարարությունը հնչել է Իրանի պետական հեռուստատեսության եթերում։
